UNICODE
ကျွန်တော်တို့ Facebook Group ထဲမှာ အမေးအများဆုံးနဲ့ ပြဿနာအများဆုံး Topic ကတော့ Battery Health အကြောင်းပဲဖြစ်ပါတယ် .. ahh here we go again!!!
ပထမဆုံးသိထားရမှာက Battery Health ဆိုတာ သုံးလေကျလေပါပဲ .. Battery အသစ်စက်စက်မှာတုန်းကပါလာတဲ့ mAh amount ဟာ သုံးတာကြာလာတာနဲ့အမျှ လျော့လျော့လာတတ်ပါတယ် .. Battery Health ဆိုတာ လက်ရှိ Battery ရဲ့ ကျန်ရှိနေတဲ့ mAh amount ဟာ Battery အသစ်စက်စက်မှာပါလာတုန်းက mAh amount ရဲ့ ဘယ်လောက် ရာခိုင်နှုန်းပဲကျန်တော့တယ်ဆိုတာကို တွက်ပြထားတာပဲဖြစ်ပါတယ်
ဒီကိစ္စက ရှင်းလေရှုပ်လေဗျ .. ခင်ဗျားတို့ရှင်းအောင်ပြောရရင်ဗျာ .. ခင်ဗျားသူငယ်ချင်းက 6 လအတွင်း Battery Health 5% ကျတယ်ဆိုရင် ခင်ဗျားက 10% ကျချင်ကျမယ် .. ဒါကဘာဖြစ်လို့လဲဆိုတော့ User တယောက်နဲ့တယောက် ဖုန်းကိုအသုံးပြုတဲ့ Behavior ချင်းကွာလို့ပဲ
Behavior ဆိုတာဘာလဲ?
Apple ပြောကြားထားပုံအရ Cycle Count 500 ပြည့်ရင် Battery Health 20% ကျတယ်လို့ဆိုပါတယ် .. Cycle Count အကြောင်းသေချာနားလည်ချင်ရင် ဒီ Post မှာသွားဖတ်ပါ – https://www.pyaeheinnkyaw.tech/battery-tips-iphone/
ဆိုလိုတာကဗျာ .. ခင်ဗျားက တနေ့မှာ 100% ကုန်အောင်သုံးမယ်ဆိုရင် ခန့်မှန်းချေ 1 နှစ်နဲ့ 4 လအကြာမှာ Battery Health က 20% ကျသွားမယ် .. ဒါဟာပုံမှန်ပါပဲ
ဒါက Technically အရ ဘယ်အချိန်မှာ ဘယ်လောက်ကျသွားမလဲဆိုတာတွက်ပြထားတာနော် .. တကယ့်လက်တွေ့မှာ အခုပြောထားတာနဲ့ ကွာခြားမှုရှိနိုင်တယ် .. ဘာဖြစ်လို့လဲဆိုတော့ Battery တွေဆိုတာ အပူကြောက်တတ်တဲ့ သတ္တဝါတွေကိုး .. သင့်ဖုန်းကို ပူအောင်ထားလေ Battery Health ကျတာမြန်လေပဲ
Battery ကိုဘယ်လိုညှာညှာတာတာသုံးရမလဲဆိုတာကတော့ အပေါ်က Link မှာပဲ တခါတည်းရှင်းပြထားတယ် ..အဲ့တာသွားဖတ်ကြည့်လိုက်
အပေါ်က Link မှာပါတဲ့အချက်တွေအပြင် နောက်ထပ်သိထားရမှာတစ်ခုကတော့ Battery ဆိုတာ စက်ပစ္စည်းပါ .. ခန့်မှန်းလို့မရနိုင်ပါဘူး .. ဒါကြောင့်ကျချင်ရင် ကျပါလိမ့်မယ် .. မကျချင်ရင် မကျပါဘူး .. နားလည်လားတော့ မသိဘူး :3
ကိုယ်တွေဆိုရင် Cycle Count 465 ရှိနေတာတောင် Battery Health 91% အထိကျန်သေးတယ် .. ကိုယ်ကတော့ မြန်မြန်ကျစေချင်တယ် .. ဘာဖြစ်လို့လဲသိလား? Apple က Warranty ကာလအတွင်း Battery Health 80% အောက် ကျသွားရင် (ဒါမှမဟုတ်) Battery မှာ Service ပြနေရင် Battery ကို Free လဲပေးပါတယ်
Singapore က ကိုယ့်အသိတယောက်ဆိုရင် Warranty ကာလအတွင်း Battery Service ပြလို့ Apple Authorised Service Provider ဆီကိုသွားလိုက်တာ .. ဟိုက Battery လဲပေးလိုက်တာမဟုတ်ပဲ ဖုန်းအသစ်တလုံးပါ ပြန်လဲပေးလိုက်တယ် .. မြန်မာမှာလဲ အဲ့လို Service မျိုးကို mCare Apple Authorised Service Provider က လုပ်ပေးနေတယ်
Battery Health ကြောင့် ပြာယာခတ်နေတဲ့လူတွေကိုပြောချင်တဲ့စကား
ခင်ဗျားတို့ ဖုန်းဝယ်တယ်ဆိုတာ ဖုန်းကိုခိုင်းဖို့မဟုတ်ဘူးလား .. ခုဟာက Battery Health ဆိုတဲ့ ကိန်းဂဏန်းလေးတခု မကျဆင်းဖို့အတွက် ကိုယ့်ဖက်က ဖုန်းသုံးတဲ့ Behavior တွေကိုလိုက်ပြောင်းရမှာက မတန်ဘူးလို့ မခံစားမိဘူးလား?
ပြောချင်တာက ဖုန်းကို သုံးချင်သလိုသာသုံး .. အားသွင်းရင်းဂိမ်းဆော့မလား, ညအိပ်တုန်း အားသွင်းထားမလား .. သုံးချင်သလိုသာ သုံးကြဗျာ .. အချိန်တန်ရင် Battery Health ကကျလာမှာပဲ .. 80% အောက်ကျသွားရင် Warranty ကျန်သေးလားတချက်စစ်ကြည့် .. ကျန်သေးရင် mCare မှာ Free သွားလဲ .. Warranty မကျန်တော့ရင် Battery Service Fees 1 သိန်းကျော်လောက်ပေးပြီး လဲလိုက် .. ကဲ ဘယ်လောက်စိတ်ချမ်းသာစရာကောင်းလိုက်လဲ (တခုတော့ရှိတယ် .. mCare မှာ Service လုပ်ချင်ရင် Apple Authorized မဟုတ်တဲ့ ဆိုင်တွေမှာ ဖွင့်ပြီးမပြင်ထားဖို့လိုတယ်နော်)
တခုသတိထားရမှာက အားသွင်းရင်းဂိမ်းဆော့တဲ့ ကိစ္စ .. အားသွင်းရင်း ဂိမ်းဆော့ရင် ဖုန်းတွေကပူလာတတ်တာ သဘာဝပဲ .. iOS ရဲ့ သဘောကိုက ဖုန်းတွေအပူလွန်ကဲမှုမဖြစ်အောင် ထိန်းချုပ်ပေးထားတယ် .. ဖုန်းတွေအရမ်းပူလာရင် Screen Brightness ကိုလျှော့ချပစ်တာမျိုး, Chipset ရဲ့ Performance ကိုလျှော့ချပစ်လို့ Game ထဲမှာ FPS တွေကျပြီး ထစ်လာတာမျိုးတော့ ကြုံရတတ်တယ် .. အဲ့တာမျိုးမကြုံချင်ရင်တော့ ဖုန်းအတွက် Cooling Fan လေးဝယ်ပြီးဆော့ကြပေါ့
အခုဒီစာကိုရေးတာက ဖုန်းကိုခိုင်းဖို့ဝယ်ထားပြီး ဖုန်းကပြန်ခိုင်းတာခံနေရတဲ့လူတွေအတွက် ရေးထားတာဖြစ်ပါတယ် .. ကဲ ဒီလောက်ဆို အသိတရားရလောက်ပါပြီ :3
Pyae Heinn Kyaw
